Plantun de Prouvènço

Pèr coumpara dos planto d'encò nostre

Rhododendron ferrugineum & Raphanus raphanistrum subsp. landra

Rousage

Rhododendron ferrugineum

Ericaceae

Àutri noum : Bourgenc, Rousàgi, Labruìssa, Bouis-fèr.

Noms en français : Rhododendron ferrugineux, Laurier-rose des Alpes.

Descripcioun :
Lou rousage, apela peréu bourgenc pèr li gavot, es un aubret que vèn bèn sus li terraire safrous de mountagno i raro di darriés aubre. I'a pas pèr s'engana.

Usanço :
Es uno planto empouisounanto pèr l'ome coume li bèsti (fedo, cabro, abiho..). Li fueio secado fan susa, pissa, luchon contro lou mau d'os e proun enca. Li flour soun emplegado en Souisso pèr alesti la "tisano dóu maien", emé de flour d'erbo-de-la-pato, de pensèio-dis-Aup e peréu de brout de serento.

Port : Aubret
Taio : 30 à 100 cm
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Rhododendron
Famiho : Ericaceae

Ordre : Ericales

Coulour de la flour : Roso
Petalo : 5
Ø (o loungour) flour : 2 cm
Flourido : Printèms - Estiéu

Sòu : Si
Autour basso e auto : Pancaro entresigna
Aparado : Noun

Liò : Roucas - Bos clar - Trescamp - Terraire safrous
Estànci : Subaupen à Aupen
Couroulougi : Éuropenco-Ouèst
Ref. sc. : Rhododendron ferrugineum L., 1753

Ravanello

Raphanus raphanistrum subsp. landra

Brassicaceae Cruciferae

Àutri noum : Ravanasso, Ravaniscle, Rafanello, Ravanet.

Noms en français : Radis maritime, Radis sauvage.

Descripcioun :
La ravanello èi lou cousin fèr di rais-fort. Trachis dins lis ermas, en ribo de camin e peréu proche de la mar. Se recounèis à si petalo que s'estrechon (à ounglet), si fueio pelouso coumpausado de 2 à 8 paréu de tros prefound e subretout à si fru acaba emé un bè, ço que lou destrìo dóu gènre proche Brassica. Coumpara emé la subsp. raphanistrum que ié sèmblo.

Usanço :
Tout èi manjadis dins la ravanello. Li flour e li jóuini fueio en ensalado, li fueio mai vièio (mai pas trop que pièi soun amaro), cuecho, li jóuini fru peréu. Se fai uno meno de moustardo emé li grano que se manjon peréu greia.

Port : Grando erbo
Taio : 15 à 80 (100) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Raphanus
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco : Planto de coustiero
Mai à setèmbre

Liò : Ribiero - Mar - Champ - Camin
Estànci : Termoumediterran à Mesoumediterran
Couroulougi : Mediterrano-atlantico
Ref. sc. : Raphanus raphanistrum subsp. landra (Moretti ex DC.) Bonnier & Layens, 1894

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rhododendron ferrugineum & Raphanus raphanistrum subsp. landra

ges

Coumpara Rousage emé uno autro planto

Coumpara Ravanello emé uno autro planto